Sisimiut
Qeqqata Kommuniani Sisimiut inissisimavoq. Nunatsinni Sisimiut
qaasuitsup killeqarfia qaninnerpaajuaa. Ukiut 250 sinnerlugit
Sisimiut inissisimavoq Nasaasaap killingani Kalaallit Nunaanilu
illoqarfiit annersaat tulleralugu. Ukioq 1756 nalaani killilimmik
inoqarsimavoq europamiunik ajoqersuiartortunillu, inuillu
nunasisimasut aalisarnermik inuussutilinnik.
Sanaartorfik siulleq tassaasimavoq Ukiivik Sisimiut
avannaatungaaniittoq, kingusinnerusukkut piukkunnarnerusumut
nuutsersimapput oqaluffimmillu sanallutik. Maannalu Sisimiut 6000
sinnerlugit inoqarpoq.
Sisimiut inissisimavoq avanaani issittartumi, apiuaannartumi,
qimussertarfiulluni, nunami pisuffiusinnaasut pitsassuit,
kangerluit isorartuut, eqaloqarfiit umiatsianillu angallavissat.
Arlaaannik pisiniarniaruit kulturikkullu misigisaqarlutit Sisimiut
periarfissaqarpoq. Arlalinnik pisiniarfeqarpoq assigiinngitsunik
aammalu arlalinnik unnuiffissaqarluni, Katersugaasiveqarpoq
alutornavissumik, peqatigiiffeqarluni eqqeersimaartunik arlalinnik,
itsarnisat takusassat, eqqumiitsuliortut sannaviat
alakkarneqarsinnaalluni, qaannanik takutitsisartoqarpoq
qimusserfiusarlunilu.
Sisimiut illoqarfiit annersaasa tulleriinnannagu aamma qitiuvoq
ilinniarfinnut assigiinngitsunut aammalu nunani avannarlerni
teknikikkut ineriartorfiulluni. Umiarsualivia ulapiffiuvoq
aalisariutinik takornariallu angallataannik atorneqarluarluni,
taamaammat Sisimiut illoqarfik ullutsinnut malinnaalluarpoq
piginnaaneqarluni aammalu nunanut allanut attuumassuteqarluni.
Sisimiut ukioq naallugu tikinneqarsinnaavoq umiarsuarnik
timmisartunillu, ukiorlu kaajallallugu pisoqarfiujuarluni.